拉布拉布又係拉布，泛民你哋已經拖死咗漁業貸款基金都仲未夠，而家又要拖冧埋創科局？呢啲唔理民意、唔理後生仔前途、唔理香港競爭力嘅泛民議員，講到有咩反對理由啦喎？大嚿陳偉業居然大發謬論，真係唔識就嚇死，識就笑死，唔怪之得啲聽眾都忍唔住打電話入去電台鬧爆佢，仲話佢睇野狹窄呀！

大嚿，唔該你自己好好反省下啦，你話研究要結合生產，查實政府咪講咗好多次囉，創科局咪就喺要強化「官、產、學、研」呢幾樣嘢囉，呢個「產」字係高增值產業、就唔係你講嘅低技術、高污染生產，唔該你唔好再拉布，畀返香港市民一個高增值的創新科技行業好唔好？