吓？HKU法律學院做嘅研究評分只係得U級？唔係呀化？咁屎？唔合格得來仲要咁低分？點見人呀？係喎，法律學院院長咪係陳文敏教授？做咩事咁醜怪呀？在你領導下的法律學院，搞到啲成績咁差嘅？

查實有份報章今日爆料話教資會有份評審工作報告就嚟會出街，講到港大法律學院嘅研究水平暴跌呀。唉，港大法律學院不嬲出哂名好勁架嘛？問心嗰句，聽到評分勁跌，真係好鬼心悒架，如果份報告係堅，阿陳文敏院長，你係咪應該要停一停、諗一諗，攝高枕頭反思下，因咩事搞到個學院咁差先？好似細路仔考試零雞蛋，都要反省下係咪自己無畀心機讀書啦，之但係呢個社會真係有啲人好鬼反智架，好似朝早有個電台節目就不斷係度鬧，話查實呢個報告同個報道根本就係想搞到陳文敏無得升呢做副校長喎。

OH MY GOD！唔問責不得止，啲輿論仲居然無限上綱？問你一句呀，如果一間大學某一個學院院長，連自己個系都攪到評分下跌，試問係咪仲有資格去升級做大啲、管多啲野？相信你心中都有答案嘞！

Youtube影片連結：
http://www.youtube.com/watch?v=do7He_OjcIE&feature=youtu.be