呢期勁畀人「抽水」嗰個，咪係「香港青少年軍總會」囉，唔係咩，一成立，黃之鋒又出動啦！紮行馬踩落商台示威，接受採訪時質疑青少年軍「強制」人同「洗人腦」！嗱，又顛倒是非啦，明明青少年軍係自願性質，你參加又得，唔參加亦得，阿之鋒同學唔該你攪掂啲事實先出來質人啦！

後生仔，聽下董生話啦！

查實真係忍唔住啦！都要搵大家評下理，阿之鋒同學由年幾兩年前開始不斷不斷不斷講佔領中環，講到上年9月直頭叫學生衝入政府總部添，足足用咗年幾時間，呢啲究竟係唔係洗腦呢？唔止咁喎，學民思潮嘅代言人黃之鋒，仲曾經揼過啲意見唔同嘅中學生，嗱嗱嗱，有證據架，支持「袋住先」嘅中學生，佢就話人哋係建制「學民思潮」喎，迫人歸邊，呢啲係咩，咪係真強制囉！

Youtube影片連結：
http://www.youtube.com/watch?v=lv5RhyhHxu0