《學苑》呢期爆紅，但嗰位前副總編王俊杰同現任副總編陳雅明死口唔認自己鼓吹港獨喎，話之不過係「學術討論」之嘛！今朝仲繼續死撐添呀！王俊杰响電台節目中被追問承唔承認寫文章主張港獨時，聲稱暫時唔會付諸行動喎，話只係想探討同描繪本土思潮喎。

你一句「講下啫」就當無事呀？有眼睇，《學苑》本刊物同出版個本書寫明「沒有獨立，就沒有民主」，喂，開口埋口都係獨立喎，仲話「武裝獨立」、「殺出血路」、「流血衝突」，勁得人驚呀！更爆係啲文章仲講到香港「建國」嘅難關剩係水同電，同埋點樣可以組織到軍隊。如果咁樣都唔叫做鼓吹？係咪當大家唔識中文定當大家係LULU呀？

講開又講，當日夠有人提出佔中嗰時都係話「講下啫」，最後咪又搞到香港亂左成兩個幾月。好似「500蚊港女」，啲人話圍佢，最初夠以為講笑咯，最終咪又變成真。如果搞港獨講下講下講到變咗真，咁香港咪.......真係諗都唔敢諗。年輕人，搞港獨，真係「生命、無得TAKE2」架！