鐵頭仁一宣布政改表決之後，先至去辭職攪咩「變相公投」，嘩，全世界無論左中右定老中青，個個都反反反，哈，得鐵頭仁自己一個HYPER，係度死撐WOR。

何俊仁話：「我唔覺得呢個問題(公投)應拿出來對決式，尤其是這對決只是民主派可以輸......如在投票前對民主派是不公平。」下？表決前唔辭職，原來係因為「泛民」唔輸得？真係搲爆頭都諗唔明！仲解來解去，講到唔清唔楚添！

何俊仁話：「在(表決政改)之前，我覺得不會拿這件事當作『變相公投』來對決......市民的(普選)權利，沒有權拿出來豪賭。」真係沒有最荒謬，只有更荒謬啦！做政治領袖唔可以接受自己輸一個公投，去接受民意的選擇，哈，但就反而可以花億億聲公帑，去搞你個場必贏嘅「公投」SHOW？鐵頭仁仲講到明無咩效果架，迫唔到中央既都要去攪？呢啲咁既議員，邏輯離哂譜，搵香港人啲錢交飛，係咪香港之福定香港之災，自己話啦！