咦，黃之鋒質疑緊邊個呀？咪鐵頭仁囉，失驚無神打鑼打鼓話辭職發動變相公投喎，不過聽住啦，係等否決完政改方案先至走去辭呀！！笑到何俊仁面黃既，仲有大把人，連中大講師蔡子強呀都話「搲爆頭」，諷刺何俊仁「多嚿魚」呀；講真你話政改前辭職，問下民意真係通過定係否決，都話叫做有啲意思呀，你問又唔問啲選民係咪企硬否決，自己霸王硬上弓投反對票之後，先至走去辭職喎，嘩，唔怪之得范國威都插你特登揀六月來辭職，根本係為年底區議會造勢啦！

鐵頭仁呀！鐵頭仁呀！你咁樣辭職法，冇泛民人撐你，自己返屋企攝高枕頭諗清楚啦！