又係呢班立法會議員？佢地尋日呀，喺林鄭去立法會解釋政改第二輪諮詢個陣，玩集體離場喎，咁大個人，仲玩啲小學雞野？睇下人地黃之鋒啦，未係議員，上電台節目，佢哋都要追問佢假如民意撐「袋住先」既話，佢會唔會轉軑支持政改呀？

佢就咁樣答：「如果民意非常龐大，企喺我哋嘅對立面嘅話，學民思潮都會尊重佢哋(議員)嘅做法，但未必同意」。

嘩嘩嘩，難得黃之鋒講到明，到時如果有三分之二民意支持通過政改，佢會尊重議員跟民意架喎，嗱，黃之鋒，到時唔好走數呀！大家記住你講過咩架！不過咪以為黃之鋒轉性呀：「我覺得如果2017年通過政改，個結果係會比依家更加之差、更加之劣，因為政府同基本法都講明，只要落實普選，其實佢哋嘅歷史任務就完成，未來亦唔需要有任何調節。」

NO NO NO！講緊咩呀？董建華講過，林鄭同政府又講過N次，2017年後有左普選，香港政制都會繼續向前走架嘛！黃之鋒又咁樣亂噏廿四、顛倒是非去呃市民，係咪為香港好囉？你明既！