佔領行動完結，證明瞓街都唔係路架喇，梗係要入番正題諗啲好橋點樣做到2017一人一票，先至叫做「做到野」架嘛！好榜樣之一咪係基本法委員會委員陳弘毅囉，佢建議投票時，連白票都計埋數，咁咪可以俾選民多一個選擇囉，呢……曾主席都LIKELIKE架，話可以傾，哈，點知去到問嗰個梁家傑時，佢居然咁樣串人喎：「尤其係呢，呢個唔係中共提出既，呢個只係陳弘毅提出啫！」

嘩嘩嘩，好目中無人呀，記者追問，佢更加「囂屎」，話中央接唔接受，現階段都只係假設性問題，話到時答都未遲喎！

使唔使咁呀？知你「尊貴」，尊貴到要中央回埋個方案你至肯答呀？喂，人哋有建議你直頭傾都唔駛傾，問你啲選民都唔駛問，一味反反反、NO、NO、NO，大家見識下，呢啲唔知係咪就係叫做公民黨式既「真民主」呢？