嘩嘩嘩！周永康喺FACEBOOK鬧爆明報「起佢底」喎；查實公道啲講，星期一A3版成篇報道，睇來睇去，都搵唔到你阿爸阿媽嗰名，相又無，公司名又無提到，仲猛咁講你平時搭巴士、生活唔奢華，下？咩咁都叫做「起底」呀？唔係呀化？ANYWAY，係咪「真起底」大家心照啦，但今次真係勁想「表揚」下你嗰句「保護家人」既宣言，LIKE爆呀！

學似你話齋，最緊要有同理心呀嘛，你有屋企人，你被人提到「屋企有米」都嬲成咁，更何況嗰啲只係謹守崗位嘅阿SIR同MADAM，成家俾人玩「真起底」呀？早排你嗰班佔領支持者，開晒啲起底群組，勁搲警察啲老婆仔女既相、POST哂出來、打埋全名，又爆晒阿SIR、MADAM啲仔女讀咩學校咁，講埋粗口侮辱兼恐嚇添，喂，周永康，當時你又唔出來講「保護家人」？做學生領袖，唔該GUIDE番你啲支持者，停止一切無恥離譜嘅網上欺凌行為啦！講真，唔係剩係得你先至有屋企人架！