蝦餃：你明明係粉果，做咩扮我，做蝦餃呀！
粉果：有得扮梗係扮蝦餃啦！高級啲吖嘛！

其實本來就係兩樣嘢，就算外表幾似，啲餡都唔同啦，最近有人話亞視「執笠」，咁就正喇，佢個免費電視牌照咪即刻可以轉畀王維基囉？查實大家係咪搞錯咗呀？明明無綫同亞視攞住嘅係「大氣電波頻譜」，即係蝦餃啦，至於嗰時嗰三間公司申請嘅係「數碼頻譜」吖嘛，係「粉果」先啱喎，點扮「蝦餃」先？

某啲網民同大氣電波嘅主持人，成日話亞視嘅牌應該即刻過畀王維基，嘩，好誤導聽眾啫，講真王維基連「粉果」都做唔成，又冇申請過做「蝦餃」，點可以無端端畀佢變做「蝦餃」先，唔該佢哋唔好咁唔負責任，「粉果」、「蝦餃」溝埋一齊講啦！