嗱嗱嗱！咪因為戴耀廷呢句咩啟動呀，搞到成個香港79日「立立亂」囉！點知佢今日仲喺電台講啲風涼話呀，陳健民話，有唔少人已有清晰意向要參選，因為好想將建制派踢走，就算選唔到，都要帶番啲建議題出黎，暴露建制派嘅不足。

戴耀廷：「非法集結，我哋認咗啦！如果你話組織，我哋都應該會認嘅，但如果話我哋係煽動暴動，咁就肯定唔會認架喇！」

搞錯呀，聽到佢咁講，即刻著晒火啦，講到自己公民抗命會認罪，原來係咁樣揀啲罪來認嘅，下？咩咁都叫做「真抗命」咩？如果連犯咩罪都有得揀，係咪即刻飲完去找數都可以揀最低消費呀？講真，你係咪煽動，你係咪犯左呢條罪，你梗係可以唔認啦！不過，咪以為市民盲嘅先得架，你咪等法庭公正判決囉！如果你講唔認就無罪嘅，咁咪好無天理？

ANYWAY，從「佔中」三子自首，得幾十人一齊陪佢哋，再加上得200幾人喺金鐘佔領區等人拉呀，都好明顯睇得出，所謂公民抗命？都係「齋噏」嘅多，啲人真係會找晒成條數？真係發夢都無咁早囉！