一場聲稱由學生主導的違法佔領行動終於落幕，香港島主要幹道被「高學歷、高文化水平」的示威者佔領75天後，究竟變成點？一個字: 亂！

警方今日專業克制高效清場，不過清場前兩小時，佔領者仍然有好多搞作。派嘢？有乜嘢派？被捕須知？收咗，就可放心被捕？你呃人！唔犯法損害他人利益先，點使驚警察拘捕先？

被捕熱線? 小姐你咁落力宣傳，被捕人士係咪真係有人幫？點解冇人幫？公民黨陳淑莊話唔係個個都幫囉！

去到清場前90分鐘。咦？呢個人好熟面口…傳聞中幫肥佬黎送錢俾泛民議員嘅白手套兼佢隻頭馬MARK SIMON輕輕鬆鬆企喺度，照顧想扮義士既老闆肥佬黎，明既、明既。另一邊廂，警察清場，但呢位小姐仲周圍貼雨傘運動海報？小姐，有冇公德心架？霸路唔止，仲要破壞香港清潔？清潔工人多得你唔少囉！有冇同理心架？

呢邊又點呀？排排坐、排排罰，等住被拉！We’ll be back? 唔好啩？咪玩啦！今日要「找數」喇喎，點解得百幾人咁少嘅？好多人「走數」啫！