日日佔中，日日就有市民係咁叫學生「撤」，學生梗係唔聽啦！哈，點知出動埋鍾庭耀，話特登攪個公投，睇下「撤」定「唔撤」嘞，點知爆冷學聯居然話公投未必好喎！唔信？聽下學聯點講啦！

學聯常委羅冠聰：「我們追求民主，認同民主，但未必每項決策都用民主方式去決定。一個運動的走向好難不斷用公投來決定。是否單靠公投結果決定撤與否，我們存疑。」

學聯咁講，搞到鍾庭耀都頂佢唔順要潤下佢呀！

港大民意研究計劃總監鍾庭耀：「呢個本身個內涵就係民主運動，如果我們參與者都唔講俾大家聽，我們是很民主，很和平理性。民意好可能會逆轉，運動無領導，最後會散，會俾人瓦解的。」

不過，千祈唔好以為鍾庭耀所講嘅公投，係畀全香港市民去投啲佔中者應該「撤」定「留」呀！查實個公投只係畀啲參加者去投架咋，齋畀佔中啲人去投票，學聯都話唔肯制？究竟「佔中」幾時先完，大家心中有數啦！