今日大家都見到食物、物資送唔到入政府總部，原來呢個情況噚日已經發生。有網民將簡單剪輯好既影片投稿到《港人講地》網站，內容見到有便衣警察想送飯到政府總部，但畀示威者阻撓，受盡挑釁；雖然被阻礙前進，警員們依然繼續前進，其中一名警員更大叫「向前行，向前行，差人都係人，差人都要食飯架！」

便衣警員們到咗政府總部後，隔住欄杆將食物、飲品同物資傳遞總部裡既警察同袍。從影片可見，便衣警員將一大袋又一大袋既物資傳入政府總部，可以估到警察總部裡面既警員係非常缺乏物資。物資運送後，政府總部內外既警員都拍掌鼓勵對方，以振奮警隊士氣。該名網民最後留下幾句說話，希望各位市民示威、抗議既時候，都尊重警察，尊重佢哋既基本權利！

「其實警察都係人」

「警察都要食飯」

「希望大家尊重警察」

「唔好刻意留難」