又係罷課？呢排日日都見到周永康，日日新鮮日日甘，未罷課前，聽學聯講明呢個禮拜上公民堂架嘛，哈，點知好似呃人咁，前日，先係周永康衝擊特首，尋日，成班學生違法遊行，今日，仲激，CALL行馬叫學生包圍禮賓府添，下？咩唔係「罷課唔罷學」咩？點解走咗去玩激進玩違法嘅？

有罷課學生都睇唔過眼，講明唔會去包圍禮賓府架嘞！「可能以前(公眾集會)都會變成滋事的，可能觸犯法律，我不太喜歡。」聽到未呀？講來講去，違法暴力，大家唔BUY囉！好似今朝有個中學生嗌咪叫人支持罷課，懷疑畀個男人打崩咗牙，都好多人DISLIKE架！公道講，咩政見都好，暴力就唔啱！唔該啲學生諗清楚先至好行動囉！