嘩！成份傳單句句「屎屎聲」咁核突架，睇到都想嘔呀。個LOGO係「佔中」喎，咪即係戴耀廷？
 
朝早朱牧打上電台堅決否認，仲話人哋偷咗佢地嘅LOGO嚟用，咁懸疑？峰迴路轉，下晝佔中秘書處出份聲明，承認係佔中PARTNER「流動佔中」攪出來嘅。唓，「流動佔中」咪即係戴耀廷下面嗰批人，吓？你哋連下面批人做緊咩都唔知？朝早劃清界線，下畫就講到好欣賞呢班人創意？唔係咁攪笑呀？
 
話時話，連自己PARTNER用佔中LOGO出核突野唔知，喺佔中義工街站派埋呢啲核突傳單又唔知，「佔中」係咪CONTROL到「和平」？之前陳健民叫人唔好暴力，即刻被網民鬧唔夠激，戴耀廷叫未成年唔好佔中，黃之鋒話自己唔夠秤都JOIN硬。「佔中」會和平？係咪「SOMETIMES NAIVE」呢呵？