係咪有病呀？民陣BOOK唔到場又話「打壓」？喂，維園個足球場晨早喺舊年畀人BOOK咗，你近排先走去話要用嚟做國慶遊行起步點，梗係BOOK唔到啦！唔夠人地早就賴「打壓」，邏輯超錯囉！

最攞命係，楊政賢竟然又話康文署唔肯俾隔離個草地場佢；楊生，你話要容納五萬人嘛，草地唔夠大點畀你呀？再講你根本無申請到，人哋點批俾你呢？真係「搲」爆頭呀！講穿咗，咪係想話BOOK唔到場，大大聲講「打游撃」！

講到「激」，連陳健民都被網民鬧，話佢唔夠激呀，講真，陳教授只係叫參與「佔中」的人唔好暴力要真面目示人啫，咁都被人恥笑？睇來，佔中真係做到「和平」？大家心照嘞！