梁繼昌話七成「業界」唔老嚟人大決定？嘩，咁多會計師？好大鑊喎。咦咦？梁繼昌你問左一千人咋？講到成個會計界三萬人意見咁出街？仲誇大到話民意清晰，普選無談判空間？計下條數，回覆率得百分之4，連一成都無，喂，唔係咁樣都叫業界整體聲音呀？再講，民意調查，啲研究機構會隨機抽樣，擺明唔知受訪者政治立場，咁先有公信力，但昌哥呢個發哂俾三萬會員等人覆嘅，頂多叫做問卷，況且昌哥都無講呢一千人係咩政治立場添。

最爛係，昌哥講明政改方案投硬反對，車，咁你做咩鬼問卷啫？下次等政府有方案你再做？哈，真好笑，你擺明唔睇民意，邊個會覆你呀？唔該咪當人LULU啦！