「愛國愛黨」呢四粒字喺學民思潮派俾學生嘅宣傳單張度見到，嘩！勁「誤導」呀！明明特首嘅要求一直只係講要「愛國愛港」，學民居然當大家完全唔知，仲僭建埋「愛黨」落去，擺到明騙學生不特止，仲要歪曲道理話學生係唯勢所逼先至去罷課。

「逼人」去罷課，究竟係邊個逼邊個先？為左要攪得成罷課，學民去到幾盡？咪就係要學生喺「測驗考試、考入大學」，同罷課兩者之間作出選擇囉，仲講到讀書係認命，罷課係抗命，將兩者拉成對立面！唔係呀化？咩道理嚟架？學民你要罷課，FINE，但咩理由講到啲揀去努力讀書既學生好似做錯野咁，大家自己諗下，學民呢啲究竟係民主定霸權嘞！