「流動佔中」呢條橋係大嚿提嘅，可惜冇SHOW佢吖。最新搞作係乜？咪全體泛民議員總辭囉，結果俾基哥、毛大姐、胡志偉狂BAN！毛大姐仲「反氹」大舊，不如入返泛民飯盒會，好過講呢啲啦，唔知係咪喺度諷刺緊人力「唔好再亂咁噏當秘笈」呢？

民主黨胡志偉就好似愈來愈激咁，喺電台節目係咁同大舊鬥咀、玩疊聲，不特止呀，對於范太好言相勸民主黨多啲溝通，胡志偉居然一句「慳啲啦」質埋去；嘩，呢個係咪我哋認識的民主黨嚟架？莫非香港社會真係好似湯家驊話齋，溫和聲音從此沒落，剩返啲激進聲音？無晒和諧同理性，香港點算呀？麻煩泛民議員快啲重回正軌把啦！