人大決定普選框架一出，嘩，肥彭啦、英國國會啦、美國國務院車輪轉指指點點，英國人仲插個決定可能違反《中英聯合聲明》添！吓？個《聲明》由頭到尾都無提過「普選」架喎，明明個普選係中央嘅承諾，佢自己加入去《基本法》度架嘛！呢班外交高手真唔知定假唔知呀？連歷史都可以講錯架咩？攪到董伯伯、范太、特區政府，都叫你地擘大對眼睇清楚個《聲明》！
 
大家仲好記得肥彭吃蛋鐽嗰一幕，但又記唔記得港英政府嗰百幾年呀，香港人完全無權選港督架！ANYWAY，而家有機會一人一票選特首嘞，有調查話，就算政改方案唔完美，六成三人都話應該「袋住先」，唔該外國政府唔好再指手劃腳啦！