泛民27票未聽民意就講明否決政改，呢~阿傑哥都係有份架，佢今日仲話李飛講野態度強硬，所以如果特區官員有良心，應該辭職表達不滿咁話。真係「搲」爆頭嘞，傑哥你擺明收肥佬黎捐款「袋住先」，唔去申報，你又唔去辭職？而家居然叫官員辭職？係咪反智呀？傑哥呀傑哥，你袋住先就得，市民袋住先就唔得？公唔公道先？
 
泛民做嘅野，市民有眼睇嘅，有聽眾打去電台鬧泛民一味拒絕同中央溝通，攪到今日咁嘅樣；有個就話泛民之前硬係講公民提名，蹝哂啲時間。學珠姐話齋，提委會選民基礎可以倍增，點組成、點分組、每組幾多人，無限死、可以傾，邊係框架一條罅都無呀！