湯家驊居然用民主運動最黑暗既一日去形容人大決定，又玩食字？佢話喎，提委會唔可能代表中產同打工仔，好心唔好混淆視聽啦；第一，提委會嘅選民基礎點擴大，仲要再傾，你點知代表唔到先？

第二，就算係而家個選委會，都有633個選委，即係過半代表中產專業同地區，究竟湯大狀你係咪唔識計數架？

講起「火」都嚟，班泛民勁誇張咁話「一定否決政改」，你哋有無問過500萬個合資格選民先？未問過選民，又未傾細節，就出來大叫否決，咁係民主咩？唔該聽曾鈺成講，用你哋既智慧去搵個最好方案仲好啦，拜託唔好再鬥氣，畀返一票香港人啦！