廉記去肥佬黎屋企搜證，「政治逼害」呢四粒字又彈出嚟，講嘅咪就係毛大姐囉！哈，不過今次連自己黨友、做過廉署嘅查錫我都唔幫佢，聽住喇，阿查話：「咩叫做敏感，咩時候叫做唔敏感，時刻都要考慮敏感定唔敏感嘅，廉署唔駛查案啦」，即場摑咗毛大姐一大巴！

另一邊廂，梁家傑亦狂插ICAC太早去到肥佬黎屋企；點知查錫我話，今次遲左啦，平時晨早六點幾就拍門啦，結果又摑傑哥一巴。阿查話，老廉上門直接搜證一啲都唔出奇，ICAC成立到而家，調查人員都堅守查案唔會考慮政治因素。講到底，因乜肥老闆畀錢泛民畀得咁迂迴先？咁就要靠廉記查清查楚喇，「香港勝在有ICAC」吖嘛！