「筲箕」有乜用？張曉明話係用嚟揀「優良品種」，泛民就反駁要普選冇篩選；OK，唔信吖嘛，屯門個污水廠既隔篩即刻壞畀你睇，啲便便呀、污糟野呀咁乜都隔唔到沖晒落海，搞到十四個海灘因為太邋遢兼含菌量超高危害市民而要封閉。嗱，你咪話「篩」走啲野唔重要呀！

換轉選特首，唔篩啦，長毛、毓民、人力出晒去選，後果會點先？唔通喺特首論壇上鬥掟蕉掟杯咩？

講到唔要「篩選」，又點少得學民思潮呀？佢哋勁鬧香港郵政唔批「公民抗命」宣傳單張用通函郵寄出去，話份單張無鼓吹犯法喎。吓？宣傳單張唔係用來「宣傳」同「鼓勵」人哋參加，唔通用來墊煲底？講都無人信啦！