呢幅BANNER唔知大家有無見過呢？田北辰居然要求立法規管啲人讓座，有無搞錯呀？結果俾網民大搞作笑佢傻，咪就係諷刺佢「讓座是常識吧，咁都要立法？」

咪咁口響，最近有調查發現，近四成老人家搭車時無人肯讓座，仲試過有老人家叫啲後生仔讓座，被人鬧添，真係無陰公嘞。個調查機構仲話，政府同公共交通機構要宣傳多啲呀！
 
唉，講真，唔通香港要去番以前，會有垃圾蟲宣傳短片叫人唔好亂拋垃圾嘅年代咩？其實人人都知讓座係美德，亦係EASY JOB；早排港大既葉兆輝教授先至做咗個「助人指數調查」，話九成香港人個個月都做善事。助人為快樂之本，香港人，好心就日行一善啦！