長毛尋日去深圳見李飛，例牌又著住件政治口號既T恤；結果？大家都預左又係被拒入境，呢場SHOW做左N次啦！有網民醒字派，拆穿長毛西洋鏡，串佢擺姿態、冇心傾，如果真係夠膽，即頭去深圳當面向李飛反映意見吖嘛。

相比之下，尋日班上左去深圳既泛民議員，表現正面積極好多。唔知佢地係咪聽左《笑聞》呼籲要理性溝通呢？連平時講野「翹口兼杉手」既梁家傑，態度亦180度大轉變，話會面係建立互信既健康起步點；馮檢基仲坦蕩蕩，話明想林鄭牽頭安排泛民再密啲同中央「枕」住傾！好，俾個LIKE你哋，比起「齋玩嘢」，今次真係有建設性得多！