早排棠哥話，泛民錯失左好多次同中央溝通嘅機會，何俊仁就反駁話有心唔怕遲。以為泛民真係好有「心」，點知上星期見張曉明前，泛民發表政改「民間報告」，仲未夠，李飛今日特登飛落深圳單獨見泛民，泛民就攪多場「聯署」，講明普選方案唔合「國際標準」就綑綁「否決」，喂喂喂，「未埋枱、先埋牙」，想點先？
 
范太睇唔過眼，話泛民動作多多，呢種態度「好難傾」，仲打定輸數話政改無咩「轉彎餘地」。唉，下星期人大都開會嘞，深圳會面係埋門前最後機會嚟架嘛，泛民咁搞法，想溝通定想搗亂先？呢排咁多人望人大唔好寫死，俾多啲空間香港人自己傾好政改，唔該班泛民做好榜樣，真真正正去理性溝通啦！