嘩！勁呀！自稱「壹傳媒股民」既爆料人士又再將壹傳媒肥老闆同佢手下既Email紀錄交畀傳媒，再次證實肥老闆真係養起咗成個民主派之外，亦都顯示肥老闆真係有捐過錢畀毛孟靜、涂謹申同陳淑莊等等幾個自稱冇收過錢既現任或者前任立法會議員。
 
雖然有人質疑：「唓，今次都冇確切證據，唔肯定堅定流喎！」係，今次係冇入數證明，不過睇返Email既內容、格式，前文後理好統一，寫到明係「每周報告」，定時定候報告上級，使咗超過50萬元既話，就要詳細交代駛咗去邊；就算無駛過50萬元的嗰個禮拜，都一樣要報告，好嚴謹架。就咁睇，似乎係正正式式既工作報告，可信程度相當高架。
 
不過講到底，成件獻金事件最古怪既，始終係點解肥老闆刻意用超迂迴既手法做政治捐獻呢？肥老闆委託助手去買本票，再將本票交泛民議員手上，議員畀人踢爆後過返錢入個黨度，成個過程足足有五重咁多，真係有心捐既，直接入落政黨戶口咪得囉，好似啲人話齋，「政黨唔會公布捐錢來源既！」咁咪仲秘密過俾完議員再俾個黨，駛咩經咁多重手續先？
 
咁迂迴？難免大家懷疑當中係咪有「景轟」，泛民議員平時對人要求咁高，吓吓都話要用立法會特權法去查，唔知，今次佢哋又肯唔肯用特權法去證明自己清白呢？