呢排全城「進擊」反暴力反佔中，唔信？咁多人企出來簽名，已證明左香港人反對佔中既意願，非常之清晰。不過，成日將「民主」放喺口邊既「佔中」發起人，似乎「我睇你唔到」上哂身，其中一位發起人到咗今日，竟然仲死撐「佔中」一啲都唔暴力，喂，你又話好尊重民意既，咁簽名反佔中的民意，你係咪唔放喺眼內呀？
 
「佔中」點解係暴力？聽吓學者點講啦。科大經濟系教授雷鼎鳴點講啦，佢話：「口講和平但同時摧毀人哋既財富，呢啲係真正既暴力！」、前中大政治與行政學系系主任鄭赤琰亦講過：「中環交通一旦癱瘓，港島交通一定大亂，參加者同被困既市民亦容易情緒暴躁，所以『佔中』冇可能『和平』。」
 
如果話「暴力」定義只係肢體衝突呀、破壞公物咁狹窄既話，咁「佔中」又未必一定暴力既，只不過稍有常識都知啦，影響其他市民生活呀、令其他市民利益受損，同「剝奪其他人使用馬路權利」等等，全部都係暴力嚟架，「佔中」發起人作為知識份子，冇理由咁都唔識既啩？
 
「佔中」到咗今日仍然唔認「暴力」，香港畀佢哋騎劫咗超過一年，一滴方案都無傾過，相信唔少市民都好無奈。可憐一班畀佢哋誤導既市民，以為「佔中」真係可以「愛與和平」，睇完呢段分析，唔知佢哋會唔會回頭是岸呢？