政務司司長林鄭月娥尋日去立法會介紹政改諮詢報告，「拉布」始祖兼激進派議員黃毓民竟然話，自己本來都有關於政制既動議諗住提出，但「奈何」因為被「拉布」塞住晒喎！「奈何」？係呀，大家無聽錯，係「奈何」呀！

黃毓民講完呢番話後，現場嘩聲四起，相信唔少議員都有同感：「乜你都知拉布禍害大架咩？」嗱，今次由激進派自己講出口，唔好再話人屈佢哋喇！

立法會議員成日話要監察政府，家陣正經嘢唔做，「日拉夜拉」，其他人又由得佢哋，搞到正常質詢做唔到，而家自食其果啦！

不過最慘都係市民，好似惠及71萬市民既低收入在職家庭津貼、三堆一爐同創科局等撥款申請全部「拉布」拉到暑假後，仲要唔知幾時會過。

最近之嘛，有議員帶清貧家長出嚟話「無錢畀仔女參加暑期活動」，要求政府畀多啲課外活動津貼。唉，佢哋有所不知喇，本來九月新學年開始，大家已經多咗津貼畀仔女讀書同參加活動，但而家畀「拉布」拖住晒呢！班議員有少少良知既，唔該齊齊出聲反「拉布」啦！

黃毓民 拉布 立法會 政改諮詢報告 低收入在職家庭津貼 三堆一爐 創科局 清貧學生