特首梁振英尋日啟動特首普選五部曲既第一部，如實反映港人意見畀中央政府知，溫和泛民亦認同特區政府冇閂後門，大家仍然有溝通機會。
 
偏偏呢個時候，早排去過美國要人干預香港事務既政壇元老李柱銘同陳方安生，竟然又走去英國見人哋個副首相，事後仲發聲明話，英國係《中英聯合聲明》簽署國，有責任落實聲明內容，要求英國發表更有力既聲明確保香港落實真正普選喎。
 
唉，剩係睇份聲明，已經知兩位「元老」搞錯晒。《中英聯合聲明》裡面根本係冇提過畀香港有普選，普選係中央透過《基本法》賦予香港架，咁英國又點落實聲明內容呢？除非佢有份簽埋《基本法》啦！搵外國介入，唔單止無助落實普選，仲會令人有更多疑慮，無互信基礎又點傾好個普選先？兩位「元老」冇理由唔明架？
 
其實同陳太同一陣營既港大法律學者陳文敏都話啦，而家最緊要係將溫和泛民同開明建制拉埋一齊傾，一人讓一步，咁先有機會落實普選嘛。兩位老人家做SHOW都要揀時候架！