香港示威愈嚟愈激，一班盡忠職責、維護法紀既警察就慘被「屈」成「警犬」、「公安」同「維穩工具」，但近期激進示威者就一反常態，撰文維護警察之餘，仲話自己同拘捕佢既警員「心照」；就連「佔中」發起人戴耀廷都寫公開信畀警察，語調溫和之餘，仲祝警察工作順利添！
 
查實早兩個禮拜之嘛，「佔中」另一發起人陳健民先至質疑警察「預演佔中」當日用咗「不合比例既武力」，到底「佔中」派乜嘢葫蘆賣咩藥呢？
 
其實早排學者袁彌昌已經撰文，介紹一本美國出版既「革命天書」《論戰略性非暴力衝突：關於基本原則的思考》，本書教導搞「革命」既人「唔好將警察視為敵人」之餘，仲要褒揚警察「誠實」同「可敬」，目的係咩？咪就係分化囉，總之乜嘢都係前線警員既上級同政府既問題啦。
 
不過大家唔好忘記，如果唔係有人提出「佔中」、班激進派又成日衝擊同抹黑警察，警察就唔使畀人日鬧夜鬧啦！仲有，「佔中」支持者近期既舉動，同呢本「革命天書」驚人咁脗合，如果跟足劇本，即係遲早有人搞革命，好似埃及、泰國同台灣咁，到時咪又係攞政府同警隊嚟搞？