港大民意研究計劃公布香港五大紀律部隊最新既民望數字，其中最受關注既警隊得分62.3分、滿意率就有56%。雖然不滿率上升到19%咋，但其實同舊年同期既63分以及55%滿意率差唔多。但係有啲偏頗網媒見到咁，即時大肆張揚，話「市民對警隊滿意度暴跌，淨值創17年新低」喎。

查實港大民研話，雖然「各支紀律部隊既民望評分同滿意淨值都係下跌居多，但數字就仍然相當正面」。對於對警隊不滿度上升，港大就話，相信係受到政治環境影響，要克服困難，應強調執勤既專業同對社會既關愛，避免成為政治磨心。

講到做磨心，而家激進派人士同埋個別傳媒網媒，日插夜插警察，明明違法抗爭，話明預咗畀人拉，但到警隊真係拉佢哋，就話人政治打壓。咁樣畀人抹黑法，警察既支持率同評分都冇乜變，足以證明大部份市民仍然認同警察處事係好專業同高水準。

同一個調查、同一堆數字，負面去睇，將問題放大晒；換個角度諗，唔滿意警隊既人多咗，會唔會係示威者偏頗同激進咗呢？事有兩面睇，唔好夾硬將警方推向市民既對立面喇，佢哋都好慘架！