考試唔溫書，解錯題目，自然唔合格，無熟讀《基本法》，解錯條文，就梗係「火羅」爆啦！講緊既係前政務司司長陳方安生，佢日前應邀去外國記者協會發言講政改，批評中央「搬龍門」，佢話《基本法》既附件一，如果要修訂選舉行政長官安排，要得到立法會議員既三分二「同意」後，要得到行政長官「批准」，然後報告全國人大，無講過要得到中央政府「批准」喎！

到底陳太錯喺邊呢？最好睇返基本法原文啦，正確既係三分二立法會議員「同意」修訂行政長官選舉辦法後，係要得到行政長官「同意」，而唔係「批准」，之後係要得到全國人民代表大會常務委員會既「批准」，唔係「報告」；仲有呀，人大還人大，中央政府還中央政府，唔好撈亂先得架！自己冇溫書，仲話人「搬龍門」，誤導國際媒體。陳太之前特登去美、加尋求外國介入香港事務，唔知係咪咁同人講呢？究竟陳太係唔熟書，定係有心咁講，咁就得佢自己至知喇！