好耐都冇睇到開心既新聞，啱啱過咗既星期日，難得藝人謝霆鋒率領3000個年輕人一齊喺維園合力製作「雞蛋仔」，做咗件勁有意義既事。
 
當日一時滂沱大雨、一時陽光曬到頭暈，但係都無動搖大家打破世界紀錄既決心，活動主辦單位香港青聯仲鬼鬼馬馬，一早邀請咗特首梁振英嚟見證創舉，畀個Surprise大家。青聯負責人話，呢個係香港紀錄，無理由唔叫特首嚟，幾個月前已經開始籌備呢個歷史性時刻添。
 
不過，唔知點解梗有人要將件開心事搞到負面晒，話特首畀人「噓」喎，咁不如大家睇吓條片先講啦！
 
現場所見，無論特首、藝人定參加者，大多數都HIGH爆，就算有啲人「噓」，都無傷大雅架，香港係自由社會嘛！好似霆鋒話齋，「大家可以開開心心一齊去做一件事、創一個世界紀錄。」
 
其實嗰日個個濕晒身，但係現場氣氛好WARM，完場時EASON仲同特首講「TAKE CARE」添！如果香港多啲呢類正能量就好喇！