嘩！「投票抗共」？「佔中投票」幾時變咗「抗共投票」？點解某壹個傳媒既周刊大大隻字登咗喺封面既？近排呢壹個傳媒既肥老闆仲好活躍，唔單止喺佢份報紙、周刊同網媒大搞「佔中」宣傳，仲出席論壇講政改添。

大家唔知記唔記得，「佔中」發起人戴耀廷曾經大大聲講過，搞「佔中」唔係要挑戰國家主權同中央，咁肥老闆叫人「投票抗共」係想點先？早前有周刊踢爆，肥老闆同美國國務部前副部長沃夫維茲呢位出咗名既鷹派人物密會五粒鐘，唔通同呢件事有關？

呢位美國朋友有幾「鷹」？既支持美國攻打伊拉克，亦贊成圍堵中國囉。現屆美國政府講到明重返亞洲，要同中國爭一日之長短，如果要圍堵中國，香港自然係一個好戰線。而家有人不斷叫香港人向前衝去「抗共」，贏咗就美國開香檳，輸咗就港人做監躉，大家真係要諗諗，大家係爭取普選，定係搞革命囉！