日前立法會又爆發暴力衝突，鐵馬撞門、竹桿鐵枝撬門乜都齊，結果令到唔少警察同保安受傷，仲有警察俾人踢到飛起。見到咁，正常人都會擔心一旦「佔領中環」發生，場面肯定失控，甚至流血收場。點知「佔中」發起人戴耀廷同陳健民竟然話，佢哋主張愛與和平，相信到時守得住大部分人都唔會亂喎！所以話「文人搞社運，越搞越頭痕」。

剩係睇上個禮拜衝擊事件，參加衝擊都只係一小撮人咋，搞事20、30人，但結果係點？有眼見啦，佢哋話唔會亂，會唔會天真咗啲呀？一旦個「戰場」轉到中環，小部分「佔中」分子喺中環暴走、破壞，好似黃毓民咁講「掟你汽油彈」，後果肯定更災難性。

查實近期已經有唔少民調顯示，大部份市民認為即使提名程序未完美，都應該「食住」普選先，冇泛民入閘都冇所謂架。加上反對「佔中」既市民始終係多數，「佔中」三子好應該回頭是岸，停止「佔中」，畀香港可以有普選啦！