為咗政治立場，到底可以去到幾盡？立法會近日審議新界東北計劃前期撥款，點知某個聲稱爭取土地正義既反新界東北組織，夾埋某個網媒製圖用假資料去誤導人，話計劃下公營房屋只佔總發展面積6%，又話政府喺市區有四千公頃閒置土地，所以唔使發展新界東北去解決房屋問題喎。
 
好彩，真的假不了、假的真不了，激進團體同網媒抹黑搞局好快就被拆穿。發展局局長陳茂波撰文反駁呢啲老屈式指控，澄清原來資助房屋已經佔新界東北計劃可發展土地面積既12%，計埋私樓更足足佔三成咁多。至於話香港多閒置土地仲荒謬，呢啲地好多都三尖八角起唔到屋，就算加埋晒都唔夠四百公頃架！

成日用抹黑、老屈、誤導呢啲招數去拖政府後腿，轉頭又畀人踢爆，用埋啲咁既手段，個網媒就唔好話自己爭取公義啦！話得自己做新聞，唔該就有返啲操守，要批評就根據事實；人哋踢爆，就唔好話人「打壓」你！市民亦要小心，千祈唔好信晒網上既嘢，否則畀人搵笨都唔知！