立法會議員「長毛」梁國雄因為衝擊2011年既遞補機制論壇，被法院判罰入獄4個星期。點知長毛竟然叫代表佢既資深大狀李柱銘，就住自己入獄而「被迫」剪短頭髮提出司法覆核，仲話男犯人要被剪短頭髮，但女犯人又唔使，係唔公平喎，真係騎呢！
 
國有國法、家有家規，何況坐監？犯人入獄前要沖涼、剃鬚同剪髮，清清楚楚寫喺《監獄條例》。天子犯法都同庶民同罪，長毛雖然係尊貴既立法會議員，但既然法庭判你有罪，咁自然要受罰，乜受罰都可以多多要求架咩？當日你犯法既時候，應該知道要承擔後果吖，而家竟然仲想去保留長髮style？