激進派近來頻頻追擊唔同政見既人，政務司司長林鄭月娥日前出席研討會時，因為唔肯收激進派送既錘仔示威道具，就被批評為「唔識尊重民意」，咁佢哋自己又點呢？
 
最近有民調就指出，五成七市民寧願有普選唔要泛民入閘，仲好支持提名委員會喎，成日將「民意」掛口邊，如果激進派尊重民意，就唔會明知「公民提名」唔合《基本法》，仍然不斷話「公民提名，不可或缺」啦！
 
仲有呀，唔少民調指出，「反佔中」市民超過五成、支持既得廿零Percent，激進派唔止唔尊重民意，仲要騎劫民意，好似嚟緊6.22投票咁吖，三個方案都唔合《基本法》規定，連溫和民主派提出冇「公提」既方案都篩走埋，市民根本無得揀，成件事變成為「佔中」而「佔中」，完全漠視反「佔中」既主流民意，難怪泛民議員湯家驊都話，夾硬將自己信念加諸他人身上，呢個唔係民主，而係「暴民政治」呀！