佔領中環行動將於6月22日舉行所謂既「全民投票日」，得三個經篩選出嚟既違法公民提名方案都算，新加入既政改原則表決題目，其實都有古怪架，相當誤導港人架！

「佔中公投」既題目「如果政府方案不符國際標準讓選民有真正選擇，立法會應予否決」，誤導成分好強。開口埋口提國際標準，咁《基本法》呢？如果將題目變成「如果政府方案合乎國際標準，但不符合《基本法》，立法會應予否決」，咁樣立法會係咪應該否決方案呢？如果方案唔合法，只講國際標準不提《基本法》，根本講乜都係晒氣。

驟眼睇「佔中公投」既原則題目，好似合情合理，但實際上只係令投票者跌入佢哋精心設計既陷阱，與其話政府方案唔符合國際標準就要否決，不如講白啲，如果政府方案不符合「佔中」者心意就要否決，然後「佔中」，港人參與投票，無論點投法，都可能被變成「間接」支持「佔中」，所以話，今次投票確係「不可一‧不可再」！