政府重提成立創新及科技局，科技業界一致讚好，社會輿論都係以支持為主，但部份泛民議員仍然逆民意而行，諗住拉布拖垮創科局。到底呢班泛民議員今次又有咩藉口呢？

好似拉布常客、「長毛」梁國雄咁，連佢自己都認同，香港要有個創科局，只因為「唔相信特首梁振英」，所以決定「拉布」喎。呢個講法認真唔合理，你唔信佢，更加要做好監督啦，一味「拉布」，既監察唔到政府，又辜負社會期望，講到底咪即係「對人唔對事」，一心搞對抗撈政治油水囉。

至於有議員話創科局職能唔包括電訊、廣播同創意產業，質疑件事有「政治任務」，呢種講法就更加天方夜譚。試用呢個邏輯去睇，如果新局職能包佢所講既職能，咪一樣可以話新局有政治任務？一句講晒，激進盲反派議員為反而反、為拉而拉，諗咁多藉口做乜？唔係覺得市民會信呀？