早幾日前既冰雹襲港，全港市民成晚部住部個網，睇又一城水舞間、九龍塘站月台激流、仲有成半隻手掌大嘅冰雹添！一時間個個做晒公民記者，有人大讚呢種現象，話體現到「公民充權」喎。

冇受過訓練都可以做記者？唔係唔得，不過啲料有幾多係「真」就冇保證喇！所謂「耳聽三分假，眼看未為真」，何況「網料」大家又聽唔到、又睇唔到，老土啲講句，停一停諗一諗，唔好憑感覺做判斷，無啦啦屈咗人都唔好啦！