主持：
何永謙 前衛生及福利局副局長

嘉賓：
姚思榮 旅遊界立法會議員
劉國勳 民建聯北區區議員
林志挺 香港旅遊聯業工會聯會總幹事

港澳個人遊(俗稱自由行)實施多年，但近年一直有個別人士搬出數字，聲稱自由行貢獻不大，又十分擾民，不如取消云云。對市民生活的影響固然要妥善處理，而相關業界人士亦搬出數據及具體例子，確證自由行對香港就業市場的貢獻甚大。

旅遊界立法會議員姚思榮重申，「03年沙士之後，成個香港既旅遊業、經濟都遭受重大挫折，當時既特區政府就即刻同內地有關部門磋商，睇下點樣可以盡快令到香港經濟復甦……（自由行）幾個月就落實咗喇。」事實證明，此政策的確從旅遊業入手，為彼時一潭死水的香港經濟注入活力，並創造了大批就業機會。

姚思榮引述政府數據指，「本港目前有25萬旅遊業從業員，但係佢既『漣漪效應』係相當大既，唔係凈係酒店或者旅行社，而係都帶動咗餐飲、零售，而其他牽動既仲有運輸、物流，都未計呢啲（從業員）數字。若計埋呢啲有關既數字，保守估計有60幾萬，仲有人講係100萬。」若以60萬計，亦足足是香港近1/5的就業人口。

前衛生及福利局副局長何永謙補充，自由行推出，「我哋既失業率，由03年既八點幾，跌到宜家既差唔多3%，其實就係全民就業。」

擁有20多年旅遊業及相關行業從業經驗的香港旅遊聯業工會聯會總幹事林志挺，亦認同自由行對本港就業市場貢獻巨大。他援引近日一項調查指，「大部分相關工種既前線員工都承認，佢哋大部分係受益於自由行，佢哋宜家既營業額，包括零售，其實五成（50%）以上，就靠自由行。」他指出，一旦自由行旅客減少，「首當其衝既，就係呢班係基層、前線做嘢既人，即係頭先所講既60萬人。」他強調，一旦無自由行，失業率必定大增，「勞工市場亦都無價講」。

林志挺續表示，一些表面上看似與自由行無關的工種其實都息息相關，譬如印刷業。他解釋，現時有印刷廠的重要業務是印收據，甚至有面臨危機的印刷廠靠此翻身，「如果自由行旅客多，零售業需求多，印刷廠就一定多生意。」反之，若旅客減少，零售業受影響，收據需求降低，「靠呢啲業務維持生計既印刷廠同樣會受影響。」