政務司司長李家超尋日去信美國《華爾街日報》，批評該報一篇針對香港國安處有關《立場新聞》執法行動嘅文章「嚴重歪曲事實」，又反指如果對方支持新聞自由，應該支持相關執法行動。據報，該篇社論〈香港沒有人是安全的〉（No One Is Safe in Hong Kong）為題，指相關執法行動顯示香港高度自治受到侵蝕：「中國對香港自治的粉碎，達到了『新的下流程度』。」對於《華爾街日報》嘅社論，囍雨認為係「唔知就嚇一跳，知道就得啖笑」，若然要講唔安全，香港最唔安全咪「反修例暴動」期間囉，乜《華爾街日報》唔知咩？
《華爾街日報》非常偏頗
老實講，呢個美國媒體嘅社論，內容其實就冇必要引述喇，反正都係主觀偏頗，大家有興趣就自己上網睇啦。單睇條題，話今日〈香港沒有人是安全的〉，就知道內容充滿偏見同誤區，完全係信口雌黃，冇理解過今日香港嘅實況。香港最唔安全係幾時呢？答案其實早已經呼之欲出：梗係「反修例暴動」期間啦，點會係《港區國安法》落實後嘅今日呀？
「反修例暴動」期間，只要係對示威者不滿嘅，就會被人「私了」，除咗「私刑毆打」，仲可能被人淋易燃液體再點火燒，受害人至今仍日日夜夜受到折磨呀，《華爾街日報》睇唔睇到呀？仲有，嗰一班暴徒，動不動就用腐蝕性液體、電槍去攻擊執法者同異見人士，執法嘅警員、採訪嘅記者都受到傷害，《華爾街日報》又睇唔睇到呀？仲有周街汽油彈呢？喺條街度講普通話都畀人打到頭破血流，什至身體部分殘廢呢？《華爾街日報》又睇唔到呀？
暴動期間香港人人不安全
如果嫌呢啲都唔夠嚴重，咁喺上水被暴徒用磚掟死嘅清潔工羅伯又點計呀？佢唔係示威者，只係路過咋喎，都要畀暴徒掟死喎，咁嘅香港安唔安全呀？仲有仲有，暴期時期最常出現嘅堵路、破壞同堵塞港鐵路軌、向行駛中列車掟嘢、大量破壞港鐵站、周街縱火、破壞交通燈令交流大混亂，咁嘅香港又安唔安全呀？《華爾街日報》講兩句啦！
《港區國安法》同激活《煽動罪》，令到香港真正回復平靜，市民出街唔使擔驚受怕，更加唔需要擔心人身安全，咁嘅香港先係原本嘅香港呀，《華爾街日報》仲好意思話〈香港沒有人是安全的〉，呢種咁嘅論調先係真正嘅「新的下流程度」囉，好心美國媒體唔該唔好再攻擊攻訐香港，做事有返少少「道德」好唔好呀？拜託！
圖片來源：華爾街日報網站截圖
請Follow我們的YouTube頻道：https://bit.ly/2kgU8qg
下載我們的手機應用程式，收看第一手精彩內容：https://www.speakout.hk/app
評論