張崑陽扮軍事專家?
張崑陽扮軍事專家?

班攬炒派「走佬政客」成日話要打國際線,但係到依家都無爭取過啲咩,淨係見到佢哋得閒就搵啲外國政客合照,再貼上社交網站,加幾段字吹到好「巴閉」咁,似搞形象工程多過做實事囉。就好似琴日張崑陽又發帖文同相,話喺一個國際論壇同北約軍事委員會主席鮑爾(Admiral Rob Baue)碰面,同佢進行基本軍事討論,仲話傾咗中國軍事威脅同南海問題。囍雨就唔明啦,張崑陽本身係讀中國研究及政治出身,話就話依家進修讀緊軍事研究,但係都仲未畢業就已經想扮軍事專家?


外國政客想打「香港牌」


張崑陽自從走咗過外國之後,其實香港班「手足」都無咩再提起過佢,都可以話係過晒氣。唯獨係外國政客可能仲覺得佢有利用價值,能夠用嚟做打壓中國嘅棋子,先至會啋吓佢。但從呢一點嚟睇,就知道外國勢力都仲未放棄打「香港牌」,仲係千方百計搵緊機會,就連香港過氣政客都唔放過。


講返北大西洋公約組織,本身係由美國主導,立場本身就係跟隨美國主旋律,對中國存在敵意;就好似今年6月北約峰會公報,就將中國列為「系統性威脅」,呼籲成員國正視中國崛起。依家有張崑陽呢個反中政客主動招手,鮑爾又點會放過呢個好機會?話晒大家都係臭味相投。但講就咁講,影吓相、傾下計當然無咩所謂,之不過美國如今對中國實力有所顧忌,都唔敢直面硬碰,張崑陽真係唔洗妄想北約會有實際行動去「對付」中國。


北約只是過時組織


再講遠啲,北約當初喺冷戰初期成立,目的係要遏制蘇聯,但係依家冷戰早已結束,蘇聯都解體咗,北約根本就係過時產物,再無存在任何價值。北約為咗續命,於是不斷搵新假想敵,之前係俄羅斯,依家就輪到中國。仲有喎,法國總統馬克龍前年都批評過,北約正處於「腦死亡」,怒斥美國同北約盟友喺決策方面無協調,已經拋棄咗歐洲盟國。就連北約成員國都咁講,北約與其話擔心中國崛起,不如擔心吓組織幾時因為內部分裂而解散好過啦。


張崑陽今次同到鮑爾傾計、影相咁又點?又唔會有咩實際結果,最大得著就係可以同「手足」講,自己有做緊嘢囉。由今次事件可以睇到,國際對中國仍然係虎視眈眈,仲係視香港做「反華」棋子,張崑陽呢啲政客可能以為自己好威,但他日失去利用價值,只會被用完即棄,被世人所遺忘。


原圖:張崑陽社交網站


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

10
好正
0
心心眼
4
好好笑
0
令人傷心
5
嬲爆
其他觀點

評論

  • 你的光榮,我的榮耀
    你的光榮,我的榮耀
    2年前
    0 回應 檢舉
    有此:hankey::clown_face:亦有此:smiling_imp::man_zombie:
    • +85298****49
      +85298****49
      2年前
      0 回應 檢舉
      Excellent

      沒有更多評論

      沒有更多評論

      你可能感興趣