寧願住在父母的家?
寧願住在父母的家?

關於土地房屋問題,近期社會上有林林總總嘅故事,中產人士要住劏房?有!年輕人要瞓貨車?都有!今日,廣男睇到單新聞,故事主角係30多歲嘅年輕人阿鋒,佢道出咗一個好多年輕人嘅心底話,就係如果要花幾百萬元去買納米樓,點解唔直接住返喺本身屋企?曾幾何時,土地房屋供應充足,安居樂業根本唔係問題,但到今日,年輕人可能連納米樓、二手居屋甚至可買賣嘅公屋都買唔起,大家話呢個係咩世界?


做「港式躺平族」


據報,接受訪問嘅阿鋒,笑言自己屬於「港式躺平族」,認為港人壓力嘅最大來源係高不可攀嘅樓價,表明「睇住樓價咁高,仲邊有上游動力,你只會死心,就算做足廿四小時,收入都根本追唔上」,仲話就算儲到首期,接下來嘅日子都唔輕鬆,所以只會將希望放喺居屋「抽獎」上。原來,過去幾次居屋發售,阿鋒都有申請,只係都未有抽中,而佢本人對「抽」居屋亦唔樂觀,預感「可能結婚後都只會同家人一起住」。


將買樓嘅希望擺喺居屋上,相信係唔少年輕人嘅希望,但講真,每次抽居屋,可能單位得幾千個,而收到嘅申請可以過十萬份,喺呢個環境下,抽居屋如同「抽獎」,實不為過。廣男覺得,如果好多年輕人買唔起私樓,而抽居屋又「抽唔中」,政府最應該做嘅事,就係大量增加居屋供應,而前提就係要開拓土地。


既有良策 何不採用?


其實大約喺一個月前,全國政協副主席、前特首梁振英已經提出過喺大欖郊野公園邊陲地興建居屋,經過一群專業人士嘅協助,最近梁振英倡議嘅計劃更為具體,除咗有圖紙之外,70公頃土地可以興建25,000個居屋單位,另有數公頃土地可以興建過千個長者住宿單位,而且每個長者都可以有獨立房間同洗手間。如果梁振英嘅倡議得以實行,基本上喺短年期內,可以解決到兩萬幾個家庭嘅住屋需求,相信有唔少好似阿峰咁嘅年輕人,都能夠安居樂業。


坦白講,對於無止境地爭論採用唔同土地選項嘅問題,廣男覺得真係夠喇!不論係A、B、C、D還是E選項,最好嘅方法,係一齊做,而唔係「慢慢諗」做邊樣!如果瞓劏房甚至瞓貨車嘅係大家,相信大家唔會咁有「耐性」討論房屋問題。 


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

13
好正
3
心心眼
3
好好笑
1
令人傷心
2
嬲爆
其他觀點

評論

  • Happy21
    Happy21
    2年前
    0 回應 檢舉
    :+1:
    • Happy21
      Happy21
      2年前
      0 回應 檢舉
      :blush:
      • Happy21
        Happy21
        2年前
        0 回應 檢舉
        good

        沒有更多評論

        沒有更多評論

        你可能感興趣