「十六號，四月十六號。一九六零年四月十六號下午三點之前的一分鐘你和我在一起，因為你我會記住這一分鐘。從現在開始我們就是一分鐘的朋友，這是事實，你改變不了，因為已經過去了」，講起「一分鐘」，囍雨相信大家對以上嘅《阿飛正傳》對白，都可能有啲印象。同女仔「浪漫浪漫」，可以叫人記住呢「一分鐘」；囍雨估唔到，原來一個組織嘅領袖，都可以臨「走佬」前一分鐘辭職。講緊邊個？就係浸信會聯會會長羅慶才囉（可能已經係前會長）！

有理無理 先抹黑一輪

關於「走佬」一事，羅慶才聲稱移民嘅最大原因係「香港的改變，自由空間收緊，政府施政背離了合理和公平的原則及基礎 …」，又指「很多很多主張既溫和也有建設性的社會人士」先後被當局追究和監禁，佢就逐漸清晰自己嘅去向。至於佢點解走得咁急，辭職又咁急？原來因為佢「離港日期是由家中寵物狗來決定，獲得狗隻機位就決定離港的日期」。即係因為「家中寵物」，所以走得特別急喇！

對於羅慶才嘅說話，囍雨首先質疑，香港嘅自由空間點收緊？政府施政點背離「合理和公平的原則及基礎」呢？先講自由，香港依然好自由，不過，如果打算「反中亂港」，尤其係連中央都抹黑，或者係想顛覆國家嘅「自由」；抱歉，香港未必有呢種自由，其他地方以至國家，都好難有！至於施政公平與否等問題，囍雨唔知羅慶才係咪講《港區國安法》以至警方執法等問題，但係，囍雨只能夠講，政府做嘢方式無變，只係有人挑戰法治而且唔想港府公平地執行法律啫。

不負責任的辭職

據報，羅慶才因為寵物機位等問題，所以走得急，辭職又急，但囍雨想問，羅慶才係咪上機前「一分鐘」先知有機位，所以上機前「一分鐘」辭職呢？老實講，囍雨相信羅慶才就算唔係上機前一、兩日或更長時間知道有機位，由佢買機票、執行李去到上機，至少都以「小時」計算呀？去到最後一刻先辭職，除咗不負責任甚至「玩嘢」，囍雨實在諗唔到其他理由！

囍雨喺度諗，如果一般打工仔，「臨飛」前一分鐘辭職，真係唔知會有「咩後果」，羅慶才作為一個組織領袖，一個關心社會「關心」到寫文抹黑《國安法》嘅人，原來，只係一個不顧一切就走嘅「特權分子」。囍雨仲想知道，羅慶才本人有冇講過會同啲反修例同路人「齊上齊落」呢？羅慶才出走，再次證明，反政府陣營，真係「一擊即潰」！

原圖：浸聯會網頁

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk