同大家講個好消息，廣男打算放棄現有工作，全職投入宣揚維護國家安全嘅工作，具體內容包括搞「2021.6.30行動企劃」等等，係咪好開心呢？不過咁，所謂「三軍未動，糧草先行」，做嘢當然需要錢啦，廣男打算開個專頁接受訂閱同捐款，唔知大家會唔會支持我呢？呢件事係咪有啲「伏味」，甚至有啲「騙局Feel」？無錯，講到底，最緊要係錢！所以當人稱「攬炒巴」嘅劉祖迪話自己告別測量師生涯，全力投入香港抗爭兼要籌錢嘅時候，廣男第一個感覺都係，「哦，原來係講錢」！

全力抗爭 推動三大範疇？

劉祖迪要Sell自己，首先當然要整個包裝，廣男首先俾大家睇下佢個「Package」所謂嘅三大範疇：

▍第一範疇，國際倡議（香港俗稱遊說）：

有急切必要擺脫「賣慘」遊說方針，趕在中共政權成為世界第一大經濟體之前，把香港長遠利益與各國利益結合，甚至由救生艇轉向提倡聯合金融制裁，推動攬炒論述。

▍第二範疇，國際動員與傳承：

革命之路漫長。在香港本地爆發下次街頭行動前，盡力維繫、協調散居各地的香港民族舉行集會等活動，以圖傳承革命之火與香港文化。

▍第三範疇，發展香港民族實業：

除了文化，一個民族的存亡與影響力也建基於實業。猶太人多年透過發展實業，為整個民族建構國際影響力，最終復國。

老實講，廣男對佢嘅「Package」，真心唔感興趣，而不論係「國際倡儀」以至「國際動員與承」，廣男唔認為佢做到啲咩。而所謂「發展香港民族實業」，廣男唔知劉祖迪有幾了解猶太人，廣男都唔敢話自己好了解猶太人，但猶太人「復國」除咗有美國等國家「助力」之外，猶太人有錢，仲係「有槍有炮」果隻；劉祖迪同其他香港反對派一樣，都係諗住用「口水」搞「光復」？咪玩啦！

劉祖迪真的是測量師？

至於劉祖迪話自己「正式辭職，告別測量師的生涯」，今日廣男上網，見到有社會人士委託其他人查過香港測量師學會嘅會員名單，竟然無劉祖迪呢個人，到底劉祖迪係咩測量師？佢有冇講大話？當中係咪「又有古怪」？實在值得深究。

其實，走佬政客要籌錢，大家都「見慣不怪」，但吹得越大，通常都會跌得越傷，廣男喺度奉勸劉祖迪，你嘅人生其實未完結，如果，如果你願意返香港面對該面對嘅審訊。否則，當有一日無人再課金俾你，到時你人在外國，只會份外「空虛」㗎！ 

圖片來源：劉祖迪社交網站

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk